Ongi Etorri Euskadira

Euskadi definitu beharko bagenu, hau esango genuke: mundu guztiak aurki daitezkeela herrialde txiki honetan. Biodibertsitate harrigarria dauka 100 km2ko erradioan. Iparraldetik hasita, itsas paisaia eta geografia menditsu berde-berdea nagusi direla, ezaugarria mediterraneoak dituen hegoalderaino.

Hemen erabateko harmonian ditugu elkarrekin hiri handiak eta landa-komunitateak nahiz baserri isolatuak; industria-guneak eta ekosistema delikatuak gordetzen dituzten natura-guneak.

Baina bertako paisaia, hiriak eta ondare artistiko aberatsaz gain, herritarrak dira Euskadiko funtsa. Izaera handiko herria gara, milaka urteko kultura gordetzeaz harro dagoen herria, eta bizitza eta askatasunarekiko gogo bizi bera partekatzen dugun jende adeitsua.

Zatoz Euskadira, eta bertakoen adeitasunaz eta harrera onaz gozatuko duzu, eta bertako establezimendu eta gastronomiaz ere bai, ".Euskadi, atsegin handiz" lema gauzatzen duten alderdi guztiez gainera.

Mila esker.